Kartëmonedha të qarkullimit Prerja 5000 Lekë 
 

Përmasat: 160 mm x 72 mm
Ngjyra dominuese: kafe në të verdhë
Hedhur në qarkullim për herë të parë: 01.01.1999


 
Kartëmonedha 5000 Lekë, emetim i vitit  1996, është shtypur në kompaninë e shtypit të kartëmonedhave "De La Rue".

Ajo është rishtypur në kompaninë e shtypit të kartëmonedhave "Oberthure" me elemente sigurie të përmirësuara, por me vit 2001, dhe është hedhur në qarkullim (pra ka marrë kurs ligjor) në 1 shtator 2004.

Në anën e përparme është vendosur  portreti i  Gjergj Kastriotit - Skënderbeut 1405-1468 (portreti i Firences), hero kombëtar, përfaqësuesi më konseguent dhe i shquar, që udhëhoqi me vendosmëri luftën e shqiptarëve kundër pushtuesve osmanë. Gjithashtu, si elemente të tjera janë simboli i shqiponjës dykrenare, ai i mburojës dhe shpata e tij.

Në anën e prapme është vendosur pamja e përgjithshme e Kështjellës së Krujës, përkrenarja dhe monumenti i Skënderbeut mbi kalë, në Tiranë. Në të djathtë poshtë dhe anash është vendosur vlera e kartëmonedhës.

Në datën 15 maj 2009, Banka e Shqipërisë hodhi në qarkullim kartëmonedhën me prerje 5000 Lekë me kurs ligjor, emetim i vitit 2007. Ajo ruan të njëjtat pamje dhe përmasa me ato të kartëmonedhës 5000 Lekë, emetim i vitit 2001.  Në kartëmonedhën e re janë shtuar apo përmirësuar elemente që kanë të bëjnë me sigurinë dhe me qëndrueshmërinë ndaj dëmtimeve. Janë ndryshuar firmat e Guvernatorit dhe të Drejtorit të Departamentit të Emisionit, si edhe viti i emetimit.

Kartëmonedhat e prerjes 5000 Lekë, emetime të viteve të mëparshme do të vazhdojnë të kenë kurs ligjor dhe do të jenë në qarkullim së bashku me kartëmonedhën e re, emetim i vitit 2007.
 

Elementet e sigurisë të prerjes së re