Edukimi i financave personale

 

IBAN - Numri Ndërkombëtar i Llogarisë Bankare
		Numri ndërkombëtar i llogarisë bankare (IBAN) është një standard ndërkombëtar, me anë të të cilit banka identifikon në mënyrë unike çdo llogari bankare të klientëve të saj, me qëllim lehtësimin e procesimit të transfertave. Meqenëse, nga 1 janari 2010, IBAN-i do të jetë i vetmi standard i numrit të llogarisë së një klienti në Republikën e Shqipërisë, kjo fletëpalosje jep informacion për strukturën dhe përdorimin e tij.

 

 

Tërheqja nga qarkullimi i parave
		Banka e Shqipërisë njofton publikun se duke filluar nga data 01.01.2009 do të fillojë tërheqjen nga qarkullimi të kartëmonedhës të prerjes 100 lekë, emetim i viteve 1993,1994,1996; kartëmonedhës të prerjes 100 lekë, emetim i vitit 1996 dhe kartëmonedhës të prerjes 200 lekë, emetim i viteve 1992,1994,1996. Për më tepër informacion, ju lutemi klikoni mbi fletëpalosje.

 

Guida e studentit
		Kjo broshurë është ideuar për grupin e nxënësve të shkollave të mesme, që aspirojnë të vazhdojnë shkollën e lartë. Ajo është shkruar në një gjuhë lehtësisht të kuptueshme nga të gjithë, me qëllim që t'u japë nxënësve njohuritë e nevojshme për të marrë vendime "të drejta" ekonomike para se të nisin universitetin. Faqet dhe rreshtat e kësaj broshure përmbajnë një informacion të përgjithshëm mbi disa nga nocionet dhe instrumentet financiare më të përdorura, si dhe këshilla të thjeshta për miradministrimin e parave.

 

Guidë rreth llogarisë tuaj të parë
		"Një guidë drejt llogarisë tuaj të parë bankare" paraqet në mënyrë të thjeshtë dhe të shkurtër përfitimet e hapjes së një llogarie bankare. Ajo përshkruan llogaritë bankare që ofrojnë aktualisht bankat e nivelit të dytë në Shqipëri, si dhe procesin e hapjes së një llogarie bankare pranë këtyre bankave. Broshura i përgjigjet disa pyetjeve të rëndësishme me të cilat mund të përballet secili gjatë hapjes së një llogarie bankare apo mirëmbajtjes së saj.

 

Ndërtoni të ardhmen - Planifikoni të ardhurat tuaja
		Ky libër është ideuar dhe shkruar për t'i ardhur në ndihmë publikut të gjerë në organizimin financiar të jetës së përditshme; në administrimin sa më të mirë të të ardhurave personale; në orientimin drejt mënyrave më të përshtatshme për të shtuar kursimet e tij apo për të rritur fitimet.

 

Bankat në epokën e internetit
		Internet banking ose mundësia e përdorimit të shërbimeve bankare nëpërmjet internetit, ka sjellë pa dyshim një evolucion në sistemin bankar. Ai ka bërë të mundur "krijimin" e një filiali banke në shtëpinë e gjithsecilit. Në Shqipëri, internet banking është akoma në hapat e tij të parë. Kjo është një arsye më shumë, përse Banka e Shqipërisë ka përgatitur këtë botim, nëpërmjet të cilit përpiqet të prezantojë këtë shërbim; përparësitë që ai ofron dhe kujdesin e veçantë që duhet treguar gjatë përdorimit të tij.

 

Paraja elektronike: e ardhmja e parasë?
		Modernizimi i sistemit bankar ofron mundësi të shumta për mënjanimin e përdorimit të parasë cash. Një prej këtyre mundësive është përdorimi i parasë elektronike. Për të krijuar një ide më të qartë mbi këtë mundësi, Banka e Shqipërisë i ofron të gjithë përdoruesve të cash-it informacion bazë mbi këtë formë të re të parasë, avantazhet, disavantazhet e saj dhe mënyrat e ndryshme të përdorimit.

 

Borxhi dhe kredia = një çështje interesi
		Borxhi ka ekzistuar që në kohët e mesjetës dhe deri në ditët tona. Ai ka marrë forma të ndryshme duke u zhvilluar në atë që ne e njohim sot me emrin kredi. Kjo broshurë informon publikun mbi format e ndryshme të kredive dhe si mund të aplikohet për një të tillë.

 

Përse duhet të keni një buxhet personal?
		Buxheti mund të konsiderohet si hapi i parë për të arritur qëllimet tuaja financiare. Ai ju ndihmon të kontrolloni shpenzimet tuaja, duke krijuar mundësi që të shtoni kursimet. Në një farë mënyre buxheti është ndërgjegja juaj financiare. Ai tregon se sa fitoni dhe sa jeni duke shpenzuar.