"Vlera e Vërtetë e Parasë", Korçë 2008-2009

Në datën 24 prill 2009, u zhvillua në teatrin “A. Z. Çajupi” të qytetit të Korçës konkursi “Vlera e Vërtetë e Parasë”, midis shkollave të mesme të këtij rrethi. 11 shkollat e mesme pjesëmarrëse në konkurs iu përgjigjën pyetjeve rrufe, quiz, me plotësim termash dhe atyre me shtjellim mbi Bankën Qendrore, objektivat, funksionet dhe politikën e saj monetare. Në përfundim të konkurrimit për raundin e parë, klasifikimi i përgjithshëm kryesohej nga shkollat e mëposhtme:

	EMRI I SHKOLLËS	RENDITJA
1	Themistokli Gërmenji	78
2	Fuat Babani, Bilisht	70
3	Bardhyl Pojani, Pojan	66

Tre shkollat që grumbulluan më shumë pikë gjatë konkurrimit fillestar u kualifikuan për në raundin e dytë, i cili megjithë natyrën e ndryshme të pyetjeve, nuk ndryshoi renditjen e raundit të parë. Kështu, fituese e konkursit “Vlera e Vërtetë e Parasë” për rrethin e Korçës u shpall shkolla “Themistokli Gërmenji” me 97 pikë, e ndjekur nga shkollat “Fuat Babani” dhe “Bardhyl Pojani”, përkatësisht me 65 dhe 60 pikë.