MISIONI DHE POLITIKA TË MBIKËQYRJES BANKARE

Funksioni i mbikëqyrjes bankare ushtrohet nga Banka e Shqipërisë, si bankë qendrore, në bazë të ligjit "Për Bankën e Shqipërisë" nr. 8269, datë 23.12.1997 dhe të ligjit " Për bankat në Republikën e Shqipërisë" nr. 8365, datë 02.07.1998.

 

Misioni i mbikëqyrjes bankare është ushtrimi i një mbikëqyrjeje të kujdesshme, të vazhdueshme dhe në mënyrë të pavarur, ndaj të gjitha institucioneve financiare të licencuara prej Bankës së Shqipërisë, në mënyrë që të garantohet mbarëvajtja e biznesit të tyre. Mbikëqyrja bankare ka nje rol identifikues dhe parandalues të problemeve që mund të shfaqen në institucionet që licencohen nga Banka e Shqipërisë, në mënyrë që, në varësi të institucioneve që preken, këto probleme të mos shndërrohen në një kërcënim potencial për qëndrueshmërinë e sistemit financiar dhe veçanërisht të atij bankar. Nëse kjo do të ndodhte, përveç të tjerash, do të cënohej imazhi dhe reputacioni publik i këtyre institucioneve dhe i Bankës së Shqipërisë, me pasoja negative për shëndetin dhe rritjen në tërësi të ekonomisë shqiptare.

Dokumenti "Për misionin e Mbikëqyrjes"

Dokumenti " Politika Operacionale e Mbikëqyrjes"

Dokumenti "Politika e licencimit të subjekteve bankare"

Dokumenti  "Strategjia e zhvillimit të mbikëqyrjes bankare për periudhën afatmesme 2009 – 2014”