Raporti Vjetor 2003 - Kapitulli I. Ekonomia Botërore

Data e prodhimit: 13.04.2004

Data e shtypjes: 23.08.2004

Autori: Banka e Shqipërisë

 

 

Ekonomia botërore u karakterizua nga një rritje e moderuar gjatë vitit 2003. Pasiguritë e krijuara nga lufta në Irak, pasojat negative që solli rritja joreale e çmimeve në tregjet e kapitalit në Shtetet e Bashkuara si dhe efektet e ndjeshme që pati epidemia SARS, kryesisht në vendet në zhvillim të Azisë Lindore, bënë që prodhimi industrial dhe tregtia ndërkombëtare të vuanin gjatë periudhës prill-qershor. Ndërsa në tremujorin e tretë të vitit filluan të shfaqen shenja optimiste të treguesve ekonomikë, sidomos në SHBA, në Japoni dhe në disa vende të Azisë, të cilat tregonin për një përmirësim të aktivitetit ekonomik deri në fund të vitit.