Raporti Vjetor 2006 - Kapitulli 1. Ekonomia botërore

Data e prodhimit: 10.05.2007

Data e shtypjes: 10.05.2007

Autori: Banka e Shqipërisë

 

 

Ekonomia botërore është karakterizuar nga tendenca pozitive zhvillimi gjatë vitit 2006. Ruajtja e ritmeve të larta të rritjes dhe zgjerimi i bazës së ekonomive që kontribuojnë në të, dëshmojnë për konsolidimin e ciklit të ekspansionit. Rritja e fortë e çmimit të naftës dhe situata e rënduar gjeopolitike, kanë vënë në vështirësi qëndrueshmërinë e aktivitetit ekonomik, por pa arritur ta devijojnë atë. Politikat makroekonomike kanë vijuar të mbeten në kahun nxitës, ndonëse bankat më të mëdha qendrore kanë marrë masa për shtrëngimin e kushteve monetare, në përgjigje të lindjes së presioneve inflacioniste.