Sistemi i klerimit të pagesave me vlerë të vogël – AECH

Banka e Shqipërisë ofron shërbimin e kleringut prej vitit 1997. Nëpërmjet këtij shërbimi ofrohet klerimi i çeqeve dhe i urdhërpagesave ndërbankare të iniciuara nga klientët.

Sistemi i klerimit të pagesave me vlerë të vogël - AECH (Albanian Electronic Clearing House), si një sistem i automatizuar i kleringut të pagesave me vlerë të vogël, plotësisht i integruar me AIPS dhe që shlyen në mënyrë periodike rezulatet neto të klerimit, filloi Live me datën 8 korrik 2005.

Ky sistem mbështetet në shërbimin e ofruar nga SWIFT-i me qëllim përdorimin e shërbimit SWIFTNet FileAct, në të cilin file-t shkëmbehen midis anëtarëve të AECH CUG në mënyrë Store ose Forward, dhe pjesëmarrës të drejtpërdrejtë në të janë 16 banka. Në këtë sistem është parashikuar të marrë pjesë, si pjesëmarrës i tërthortë dhe Ministria e Financave ku pagesat e saj shlyhen nëpërmjet llogarisë teknike të Bankës së Shqipërisë.

Gjatë një dite pune, në sistemin AECH qendror, zhvillohen 3 (tre) seanca kleringu sipas orareve të përcaktuara. Seanca e parë fillon në orën 8.30 dhe përfundon në orën 10.15, seanca e dytë fillon në orën 10.30 dhe përfundon në orën 12.45 ndërsa seanca e tretë fillon në orën 13:00 dhe përfundon në orën 15:00. Mbyllja e sistemit AECH realizohet në orën 16.15.

Për sa i takon çeqeve ndërbankare dhe personal klerimi i tyre vazhdon të realizohet nëpërmjet shkëmbimit fizik në seancat e kleringut që zhvillohen çdo ditë në orën 13:00 në Bankën e Shqipërisë.

Për më tepër informacion rreth këtij sistemi,  ju mund të klikoni në lidhjet e mëposhtme:

 

Kuadri Rregullativ:

• Rregullore “Për funksionimin e sistemit të klerimit të pagesave me vlerë të vogël - AECH”
• Tarifa e përdorimit të Sistemit AECH sipas vendimit  Nr. 12 date 23/02/2011
• Pjesmarrësit në sistemin AECH
• Kontrata tip për pjesmarjen në sistemin AECH
• Shtojca e kontrates tip për pjesmarrjen në sistemin AECH
• Fazat e anëtarësimit të pjesmarrësit në sistemin AECH
• Oraret e operimit të sistemit AECH