Strategjitë e politikës monetare për ekonomitë e vogla - Ideoi dhe pregatiti, Ardian Fullani

Data e prodhimit: 13.07.2009

Data e shtypjes: 13.07.2009

Autori: Ardian Fullani

 

 

Libri që po ju sjellim sot përmban një seri referatesh të një grupi ekspertësh të njohur, vendas dhe të huaj, të prezantuara në Konferencën VII të Bankës së Shqipërisë të titulluar "Strategjitë e politikës monetare për ekonomitë e vogla", e cila u zhvillua në Tiranë, më 6-7 dhjetor 2007. Duke përfituar nga ky rast, dëshiroj të falenderoj të gjithë folësit në këtë aktivitet për pranimin e ftesës së Bankës së Shqipërisë për të kontribuar shkencërisht në finalizimin e projektit trevjeçar, për të analizuar të gjitha parakushtet që mundësojnë zbatimin e suksesshëm të regjimit të inflacionit të shënjestruar në Shqipëri. Analizat, rekomandimet si dhe konkluzionet e folësve në këtë konferencë i vlerësoj si një ndihmesë të çmuar që do ta lehtësojnë punën e Bankës së Shqipërisë në të ardhmen. Opinonet dhe përfundimet e shprehuara në këtë libër përfaqësojnë ato të autorëve të punimeve dhe në asnjë rast nuk duhet t’i atribuohen Bankës së Shqipërisë ose institucioneve të tjera, të lidhura me autorët. Përfitoj nga rasti që të falenderoj edhe stafin e Bankës së Shqipërisë për kontributin e dhënë në realizimin e këtij projekti. Ardian Fullani Guvernator