Të tjera

Banka Qendrore Evropiane; Eurosistemi; Sistemi Evropian i Bankave Qendrore
		Kjo broshurë e përbërë prej 36 faqesh i paraqet lexuesit një panoramë të përgjithshme të bankingut qendror në Bashkimin Evropian.  Përmbajtja: Rruga drejt Bashkimit Ekonomik dhe Evropian. Struktura dhe detyra. Politika monetare. Sistemi TARGET 2. Kartëmonedhat dhe monedhat euro. Mbikëqyrja bankare. Fjalorth.

 

Vlera e Vërtetë e Parasë” Vlorë, 2008
		“Vlera e Vërtetë e Parasë” Vlorë, 2008 është një broshurë dedikuar gjithë aktivitetit edukues të Bankës së Shqipërisë në Vlorë dhe veçanërisht konkursit të nxënësve të shkollave të mesme të këtij rrethi, mbi njohuritë për politikën monetare. E mbështetur në kronologjinë e takimeve dhe bisedave të Guvernatorit të Bankës së Shqipërisë, si edhe të takimeve të specialistëve të Bankës me nxënës e mësues të këtij rrethi, broshura ka një ritëm të brendshëm i cili e bën të jetë dinamike. Ajo gjithashtu, është e pajisur me një shtojcë në të cilën shpjegohen me detaje dhe shembuj konkretë llojet e pyetjeve në konkurs, duke shërbyer në këtë mënyrë edhe për informimin e pjesëmarrësve të ardhshëm në këtë aktivitet.

 

"Vlera e Vërtetë e Parasë"
		Kjo broshurë është shkruar për të gjithë nxënësit që duan të njihen apo të marrin pjesë në konkursin e përvitshëm të Bankës së Shqipërisë për shkollat e mesme, “Vlera e Vërtetë e Parasë”. Ajo është gjithashtu e dobishme për mësuesit e lëndës së ekonomisë, që për çdo vit shoqërojnë nxënësit e tyre në konkurs, në rolin e udhëheqësve të skuadrës. Broshura, në mënyrë shumë të përmbledhur, i njeh lexuesit me konkursin “Vlera e Vërtetë e Parasë”. Me atë çka përfaqëson ky aktivitet, përse Banka e Shqipërisë e ka ideuar dhe e organizon atë, llojin e pyetjeve të konkursit, të shoqëruara me shembuj konkretë dhe sigurisht, foto të konkurseve të kaluara dhe pjesëmarrësve të tyre, të cilët tashmë janë miqtë më të rinj të Bankës së Shqipërisë.

 

Bankat qendrore të rajonit
		Nëpërmjet një rrëfimi copëzash të historive të bankave të rajonit tonë, kjo broshurë synon të japë një panoramë të përgjithshme të asaj çka bën një bankë qendrore. Bankat janë si njerëzit: kanë jetët e historitë e tyre tipike, kuriozitetet, të thënat e të pathënat, rriten, ndryshojnë, transformohen, zhvillohen, kanë veçoritë e tyre që i dallojnë nga njëra-tjetra, por në thelb mbeten të njëjta.

 

Banka Qendrore Evropiane
		Është një broshurë që i sjell publikut mjaft informacion për organizimin dhe mënyrën e funksionimit të institucionit të Bankës Qendrore Evropiane, për drejtimin dhe drejtuesit e saj, si dhe për bankat qendrore të vendeve anëtare. Me një gjuhë të thjeshtë, ajo shpjegon hallkat nëpër të cilat kalon formulimi dhe zbatimi i politikës monetare të njehsuar në territorin e Bashkimit Evropian, duke bërë dallimin midis vendeve anëtare në Eurozonë dhe atyre jashtë saj. Kjo broshurë, ofron edhe adresat e kontaktit për të gjitha bankat qendrore anëtare të BE-së. Botimi është vetëm në gjuhën shqipe.

 

Përgatitjet për Euron. Udhëzuesi juaj për monedhat dhe kartëmonedhat Euro

E përgatitur dhe e shtypur nga Banka Evropiane dhe Banka Qendrore e Gjermanisë në gjuhën shqipe. Një broshurë që jep informacion për monedhën e re dhe shenjat e saj të sigurisë. E plotë jo vetëm në të dhënat që përmban, por edhe në ilustrimet e secilës prej kartëmonedhave.

 

Komuniteti Evropian dhe Euro
		Është vetëm një pjesë e publikimeve, shkrimeve të publikuara në revista ekonomike, seminareve të mbajtura në ambiente të ndryshme brenda dhe jashtë Bankës së Shqipërisë në fushatën njohëse të euros nga publiku shqiptar, në të cilën Banka e Shqipërisë u angazhua. Informacioni që i jepet publikut nëpërmjet saj është i thjeshtë, i kuptueshëm dhe i qartë në synimin njohës që ka. Broshura është e disponueshme në dy gjuhë: shqip dhe anglisht.

 

Një vështrim i përgjithshëm mbi monedhat Euro

Siç edhe dihet, Banka e Shqipërisë zhvilloi një fushatë për njohjen e euros dhe publikimi e shpërndarja e këtij fletëvolanti është pjesë e kësaj fushate. Në gjuhën gjermane ai ka pamje mjaft të qarta të monedhave të reja, ndërsa në fletën në shqip që e shoqëron janë të përkthyera të gjitha të dhënat për secilën prerje.

 

Euro paraja jonë. Elementët e sigurisë së kartëmonedhave Euro
		Është një broshurë, mjaft mirë e ilustruar dhe që ndihmon secilin që e merr në dorë, për t'u njohur deri në detaje me monedhën e re. Veçanërisht, vë theksin mbi elementet e sigurisë së kartëmonedhave. Është e shkruar vetëm në gjuhën shqipe.

 

Sistemi i sigurimit të depozitave në Shqipëri

Një përshkrim i shkurtër dhe i thjeshtë mbi funksionet e Agjencisë së Sigurimit të Depozitave (ASD) dhe përfitimet e depozituesve nga aktiviteti i saj.