"Vlera e Vërtetë e Parasë", Tiranë 2007-2008

 

Për herë të parë, konkursi “Vlera e Vërtetë e Parasë” u organizua për nxënësit e shkollave të mesme të Tiranës, gjatë datave 2, 4 dhe 25 prill 2008. Në fazën e parë të tij morën pjesë njëzet shkolla të mesme, publike dhe jopublike, të cilat konkurruan në hollin e Bankës së Shqipërisë, përpara një jurie të nderuar, për t’u kualifikuar në fazën finale. Në përfundim të fazës së parë, tre shkollat që grumbulluan më shumë pikë duke u kualifikuar kështu për në finale ishin:

 

	EMRI I SHKOLLËS	RENDITJA
1	QEMAL STAFA	86
2	SAMI FRASHERI	83
3	BESNIK SYKJA	81

 

Finalja e konkursit u zhvillua në sallën “Black Box” të Akademisë së Lartë të Arteve, ku tri skuadrat garuan me njohuritë dhe aftësitë e tyre përpara afro dyqind spektatorëve. Për vitin shkollor 2007-2008, sfida e Bankës së Shqipërisë u fitua nga nxënësit e vitit të tretë të shkollës “Qemal Stafa”, të ndjekur nga shkollat “Sami Frashëri” e “Besnik Sykja”. Aktiviteti u transmetua edhe në Televizionin Publik Shqiptar.