"Vlera e Vërtetë e Parasë", Vlorë 2008-2009

Rrethi i dytë në të cilin Banka e Shqipërisë organizoi konkursin “Vlera e Vërtetë e Parasë” ishte ai i Vlorës. Nga 27 shkolla të mesme të këtij rrethi të ftuara për të marrë pjesë në konkurs, 17 shkolla publike dhe jopublike konkurruan në teatrin “Petro Marko” të qytetit të Vlorës në datën 11 dhjetor 2008, në fazën eliminatore të tij. Në përfundim të konkurrimit për këtë fazë, tre shkollat që arritën pikavarazhin më të lartë ishin:

	EMRI I SHKOLLËS	RENDITJA
1	ALI DEMI	89
2	NR.1	88
3	AULONA	83

 

Tre shkollat finaliste: “Ali Demi”, “Nr. 1” dhe “Aulona”, konkurruan sërish në datë 19 dhjetor 2008, në sallën e teatrit “Petro Marko”, Vlorë për të marrë trofeun e më të mirëve të aktivitetit. Në përfundim të konkursit “Vlera e Vërtetë e Parasë” për rrethin e Vlorës, i cili u ndoq prej rreth 300 nxënësish, mësuesish dhe familjarësh, shkolla “Ali Demi” u rendit në vendin e parë me 99 pikë, shkolla “Aulona” në vendin e dytë me 97 pikë dhe shkolla “Nr. 1” e treta, me 90 pikë. Ky aktivitet u transmetua edhe në televizionin kombëtar “Klan”.