Baza ligjore dhe rregullative e Regjistrit të Kredive

 

Ligji nr. 8269, datë 23.12.1997 "Për Bankën e Shqipërisë" përcakton si një detyrat më të rëndësishme të Bankës së Shqipërisë " përmirësimin e kushteve monetare dhe kredituese, në mbështetje të stabilitetit dhe të zhvillimeve ekonomike të vendit".  Nga ky këndvështrim, krijimi i Regjistrit të Kredisë, nëpërmjet trajtimit të përqendruar të informacionit në lidhje me kredimarrësit dhe ekspozimin kreditor, veçanërisht ndaj sistemit bankar, përmirëson procesin e kredidhënies duke rritur eficiencën e tij dhe duke ulur rrezikun e kredisë me të cilin përballen kredidhënësit.

Krijimi i Regjistrit të Kredisë si dhe kompetencat e Bankës së Shqipërisë lidhur me të, sanksionohen me nenin 127 të ligjit Nr. 9662, datë 18.12.2006 "Për bankat në Republikën e Shqipërisë".

Funksionimi dhe administrimi i Regjistrit të Kredive rregullohen me aktet e mëposhtme:

• Urdhër "Për miratimin e të dhënave dhe llojit të informacionit që raportohet në Regjistrin e Kredive në Bankën e Shqipërisë".
• Rregullore "Mbi përmbajtjen e informacionit dhe funksionimin e Regjistrit të Kredive në Bankën e Shqipërisë".
• Formati i raportimit të të dhënave në Regjistrin e Kredive.
• Udhëzimi "Për procedurën e nxjerrjes së Raportit mbi Kredimarrësin dhe rishikimin e të dhënave që mbahen në Regjistrin e Kredive".

- Formulari i kërkesës për raportin e kredimarrësit
- Formulari i kërkesës për rishikimin e të dhënave
- Mandatpagesa e tarifës për përdorimin e të dhënave

• Tarifat e përdorimit të informacionit që mbahet në Regjistrin e Kredive të Bankës së Shqipërisë.