Z. Arjan Kadareja është diplomuar në vitin 1986 si inxhinier minierash, në Fakultetin e Gjeologji-Minierave të Universitetit të Tiranës. Ai ka kryer në 1995 një Master of Arts në Ekonomi, pranë Institutit Universitar të Studimeve Ndërkombëtare të Gjenevës (Zvicër) dhe përfunduar në vitin 2000 PhD në Ekonomi, pranë këtij Instituti.

Karrierën profesionale e ka filluar në vitin 1986, si inxhinier në Minierën e Kromit në Batër, ku ka punuar deri në 1991, për të vazhduar si pedagog në Fakultetin e Gjeologji-Minierave, në Universitetin Politeknik të Tiranës, deri në vitin 1993. Gjatë periudhës 1994-99, z. Kadareja është angazhuar si statisticien pranë Organizatës Ndërkombëtare të Punës (ILO) në Gjenevë, specialist ekonomie pranë UNCTAD (Gjenevë), instruktor e asistent kërkimesh pranë Institutit Universitar të Studimeve Ndërkombëtare të Gjenevës.

Gjatë periudhës 2000-2004, ai ka punuar fillimisht si ekonomist pranë Qendrës së Kërkimeve mbi Ekonominë Ndërkombëtare (CEPII) në Francë dhe si auditor pranë RGIS, Ontario, Kanada. Aktualisht, punon si konsulent pranë Drejtorisë së Përgjithshme të Kërkimeve në Bankën Qendrore Evropiane.

Fushat e tij të interesit fokusojnë çështje lidhur me modelimin makroekonomik, analizën e politikave ekonomke, ekonominë ndërkombëtare e monetare, atë financiare, programimet etj.. Ai është autor i një sërë materialesh diskutimi (WP), publikimesh e kumtesash në veprimtari të ndryshme shkencore ndërkombëtare.

Flet rrjedhshëm anglisht, frëngjisht, italisht dhe zotëron në nivelin e ndërmjetëm rusishten.

Aktualisht është pedagog i jashtëm në Universitetin e New York të Tiranës.

Z. Arjan Kadareja është zgjedhur anëtar i Këshillit Mbikëqyrës të Bankës së Shqipërisë në dhjetor të vitit 2006.

Këshilli Mbikëqyrës:

Anëtarë të tjerë të Këshillit Mbikëqyrës