Opinion mbi gjendjen e ekonomisë gjatë tremujorit të parë 2007
Authori: Departamenti i Politikës Monetare
Data e prodhimit: 10.05.2007
Data e shtypjes: 10.05.2007
Kategoria e materialit: Publikime Periodike / Vleresimi tremujor i gjëndjes ekonomike
Ecuria e ekonomisë shqiptare gjatë viteve të fundit është karakterizuar
nga ruajtja e ritmeve relativisht të larta të rritjes, brenda një kornize
të qëndrueshme makroekonomike. Sektori privat i ekonomisë është
mbështetur nga zgjerimi i ndërmjetësimit financiar dhe nga përmirësimi
gradual i ambientit strukturor të ekonomisë. Kushtet monetare, duke
siguruar norma të ulëta interesi, qëndrueshmëri të kursit të këmbimit dhe
burime financiare për ekonominë, kanë favorizuar rritjen ekonomike.