Buletini ekonomik, Vëllimi 4, Nr. 1 - Vrojtimi i aktivitetit depozitues dhe kreditues gjatë periudhës dhjetor 2000

Materiali i paraqitur është analizë e rezultateve të një vrojtimi mbi aktivitetin kreditues nga bankat e nivelit të dytë, i cili merr një rëndësi të veçantë në kushtet e ekonomisë shqiptare. Qëllimi i këtij vrojtimi është vjelja e opinioneve të specialistëve të kreditit lidhur me ecurinë aktuale të aktivitetit kreditues si edhe me prirjet e këtij aktiviteti për të ardhmen. Analiza e rezultateve të këtij vrojtimi, duke u vënë në shërbim të Bankës së Shqipërisë, do të ndihmojë hartimin e një programi monetar sa më realist.