200 Lekë “550 vjet In Memoriam Gjergj Kastrioti Skënderbeu, 1468-2018”, viti 2018, pa kurs ligjor
Vlera emërore | 200 Lekë |
Materiali | Au 900/1000 |
Pesha | 15.5 g |
Diametri | 25.45 mm |
Forma | e dhëmbëzuar |
Tirazhi | 501 |
Autori | Petraq Papa |
Shtypur |
Mint of Finland |
Faqe: Në qendër të monedhës ravijëzohet profili i Gjergj Kastrioti Skënderbeut me shikim djathtas në formë siluete dhe me shkëlqim. Përbri profilit në siluetë të tij është vendosur shpata dhe vitet 1468 - 2018, të cilat qëndrojnë me shkëlqim mbi sipërfaqen e gdhendur. Në gjysmën tjetër të kësaj pamjeje, përpara shikimit të Skënderbeut, në sfond, është ravijëzuar një degë ulliri si simbol i lavdisë. Mbi portretin e Skënderbeut është shënuar vlera emërore e monedhës "200 LEKË" dhe në formë harkore sipër ka të shkruar tematikën "550 VJET IN MEMORIAM GJERGJ KASTRIOTI SKËNDERBEU".
Shpinë: Në qendër të monedhës ravijëzohet vula e Gjergj Kastrioti Skënderbeut. Mbi imazhin e vulës në formë harkore është shkruar "SHQIPËRIA - ALBANIA". Në pjesën e poshtme të vulës (nën të) është shkruar viti "2018". Tre linja harkore, paralel me njëra- tjetrën dhe të dubluara (majtas dhe djathtas) "përmbyllin" formën e vulës dhe të monedhës në tërësi.