BANKA E SHQIPËRISË
NJOFTIM PËR SHTYP
Mbi kërkesën për ndryshimin e strukturës së aksioneve të Bankës ProCredit sh.a.
Data e publikimit: 11.01.2008
Pranë Bankës së Shqipërisë është paraqitur kërkesa për miratimin e shitjes së aksioneve të Bankës ProCredit sh.a. nga aksionerët International Finance Corporation (IFC), pjesë e Grupit të Bankës Botërore (në cilësinë e shitësit) dhe Fondacioni FEFAD, Shqipëri (në cilësinë e shitësit) tek aksioneri ProCredit Holding AG, Gjermani (në cilësinë e blerësit). Ky transaksion konsiston në shitblerje të aksioneve të bankës në masën 36.25 përqind, midis aksionerëve ekzistues të saj. Si pasojë e këtij transaksioni struktura e aksioneve të bankës ndryshon si më poshtë:
|
ISHTE |
BEHET |
||
Aksioneri |
Numri i aksioneve |
Pjesëmarrja në përqindje |
Numri i aksioneve |
Pjesëmarrja në përqindje |
ProCredit Holding A.G. |
70,000 |
43.75 |
128,000 |
80.00 |
Fondacioni për Financimin dhe Zhvillimin e Nd/jeve (FEFAD) |
40,000 |
25.00 |
- |
- |
Commerzbank A.G. |
32,000 |
20.00 |
32,000 |
20.00 |
IFC |
18,000 |
11.25 |
- |
- |
T O T A L I |
160,000 |
100.00 |
160,000 |
100.00 |
Struktura e aksionerëve të Bankës Procredit ka ndryshuar në vite, që prej themelimit dhe fillimit të aktivitetit deri tani dhe ProCredit Holding AG e ka rritur vazhdimisht pjesëmarrjen në kapitalin aksioner të bankës gjatë viteve.
Shqyrtimi i kërkesës dhe dokumentacionit shoqërues për shitjen e aksioneve të International Finance Corporation (IFC) dhe Fondacionit FEFAD dhe blerjen e aksioneve nga ProCredit Holding A.G. si aksioner ekzistues i Bankës ProCredit sh.a. u bë në mbështetje të ligjit nr. 9662, datë 18.12.2006 "Për bankat në Republikën e Shqipërisë" dhe të rregullores "Për dhënien e licencës për të ushtruar veprimtari bankare në Republikën e Shqipërisë", miratuar me vendimin nr. 71, datë 11.09.2002 të Këshillit Mbikëqyrës të Bankës së Shqipërisë.
ProCredit Holding AG është themeluar në vitin 1998. Kjo është shoqëri aksionere dhe adresa e saj është në Frankfurt am Main, Gjermani. Objekti i veprimtarisë së shoqërisë është të marrë pjesë me pjesëmarrje kapitali në institucione financiare të cilat u shërbejnë nevojave financiare të sipërmarrjeve shumë të vogla, të vogla dhe mesatare si dhe popullsisë në përgjithësi në vendet në zhvillim dhe ekonomitë në transformim. Qëllimi i shoqërisë konsiston në blerjen e shumicës së aksioneve/pjesëmarrjeve në secilin institucion dhe në mbështetjen dhe drejtimin e të gjitha institucioneve tek të cilat investon si grup.
Banka e Shqipërisë e bën këtë njoftim në zbatim të kërkesave të rregullores "Për dhënien e licencës për të ushtruar veprimtari bankare në Republikën e Shqipërisë".