BANKA E SHQIPËRISË
NJOFTIM PËR SHTYP
Mbi shpalljen e konkursit për realizimin e vizatimeve që do të paraqiten në monedhat numizmatike 2012 kushtuar Nënë Terezës dhe 100-vjetorit të Shpalljes së Pavarësisë
Data e publikimit: 26.12.2011
Këshilli Mbikëqyrës i Bankës së Shqipërisë, me vendimet nr. 50, datë 13.07.2011 Për shtypjen e monedhave metalike për qëllime numizmatike, në vitin 2012 dhe nr. 60, datë 31.08.2011 Për shtypjen e monedhave për qëllime numizmatike, kushtuar Nënë Terezës miratoi:
-
Shtypjen për vitin 2012, të monedhave metalike për qëllime numizmatike, pa kurs ligjor, me tematikë 100-vjetori i Shpalljes së Pavarësisë, me të dhënat teknike të mëposhtme:
Vlera emërore |
Materiali, pastërtia dhe ngjyra e monedhave |
Pesha |
Diametri |
Forma |
200 Lekë |
900/1000 Au |
15.50 gr |
25.45 mm |
E dhëmbëzuar |
100 Lekë |
925/1000 Ag |
30.00 gr |
38.00 mm |
E dhëmbëzuar |
50 Lekë |
CuAl5Zn5Sn1/e verdhë |
12.00 gr. |
28.00 mm |
E dhëmbëzuar |
Trajtimi i tematikës për monedhat e mësipërme të jetë i lirë, me kushtin e vetëm që:
-
në pamjen kryesore të ketë të shkruar vlerën;
-
dhe në pamjen e pasme të ketë të shkruar ShqipëriAlbania 2012.
-
Shtypjen për vitin 2012, të monedhës metalike për qëllime numizmatike, pa kurs ligjor, kushtuar Nënë Terezës, me të dhënat teknike të mëposhtme:
Vlera emërore |
Materiali, pastërtia dhe ngjyra e monedhave |
Pesha |
Diametri |
Forma |
200 Lekë |
900/1000 Au |
15.50 gr |
25.45 mm |
E dhëmbëzuar |
Trajtimi i tematikës për monedhën e mësipërme të jetë i lirë, me kushtin e vetëm që:
-
në pamjen kryesore të ketë të shkruar vlerën;
-
dhe në pamjen e pasme të ketë të shkruar ShqipëriAlbania 2012.
Për sa më sipër, Banka e Shqipërisë organizon konkursin e hapur, për realizimin e vizatimeve që do të paraqiten në këto monedha sipas tematikave përkatëse të miaratuara.
Përzgjedhja e modelit më të mirë të propozuar, do të bëhet me komision të ngritur sipas proçedurave të miratuara nga Banka e Shqipërisë, për këtë qëllim.
Ftohen të gjithë të interesuarit të marrin pjesë në konkurrim, duke paraqitur vizatime të këtyre monedhave.
Materialet shtesë që lidhen me konkursin mund të tërhiqen në adresën:
Banka e Shqipërisë
Zyra e Numizmatikës
Ish - hotel Dajti, Tiranë
Tel: 2419201/2/3 (numër i brendhshëm 1756, 1712)
Masa e shpërblimit për vizatimet fituese të një monedhe (të dyja pamjet) është 75,000 (shtatëdhjetëepesëmijë) lekë. Në këtë vlerësim përfshihen: pagesa për punën dhe pagesa për të drejtën e autorit (copyright), e cila i kalon Bankës së Shqipërisë.
Afati për dorëzimin e vizatimeve është data 20 janar 2012.