NJOFTIM PËR SHTYP
Mbi zhvillimin e mbledhjes së Këshillit Mbikëqyrës të Bankës së Shqipërisë të datës 12 dhjetor 2007

Në mbledhjen e datës 12 dhjetor 2007, Këshilli Mbikëqyrës i Bankës së Shqipërisë miratoi:

• Kërkesën e "Cembra Beteiligungs GmbH", një shoqëri me përgjegjësi të kufizuar, me seli në AM Stadtpark 9, 1030, Vienë - Austri, e zotëruar 100 për qind nga Raiffeisen International Beteiligungs GmbH, si aksionere me pjesëmarrje të tërthortë (jo të drejtpërdrejtë) prej 70 për qind tek Banka Raiffeisen, Shqipëri.

Banka Raiffeisen ka si aksioner të vetëm Raiffeisen International Bank-Holding AG dhe kjo strukturë nuk ndryshon. Por, mbështetur në nenin 25 të ligjit nr. 9662, datë 18.12.2006 "Për bankat në Republikën e Shqipërisë", Banka e Shqipërisë si autoritet mbikëqyrës miraton edhe ndryshimet e pjesëmarrjes influencuese, në përcaktimin e së cilës përfshihet pjesëmarrja direkte dhe indirekte në kapitalin e bankës.

Me miratimin e këtij ndryshimi të pjesëmarrjes influencuese do të ndryshojë vetëm struktura e aksionerëve me zotërim të tërthortë të të drejtës së pronësisë mbi aksionet e Raiffeisen Bank sh.a. Shqipëri. Ky ristrukturim i shërben qëllimit të vetëm, për të optimizuar administrimin e aksioneve të Raiffeisen International Bank-Holding, në vështrim të legjislacionit tregtar dhe tatimor të Austrisë.

• Bashkimin me përthithje të Bankës Italo Shqiptare sh.a në Bankën Amerikane të Shqipërisë sh.a.

Bashkimi i Bankës Amerikane të Shqipërisë dhe Bankës Italo Shqiptare do të realizohet me përthithjen e BISH-it (shoqëria që përthithet) nga BASH (shoqëria përthithëse). Emri i Bankës së re pas bashkimit do të jetë Banka Amerikane e Shqipërisë.

Praktika e bashkimit të dy bankave është një përvojë që aplikohet për herë të parë në Shqipëri dhe mbështetet në aplikimin e inovacioneve, të praktikave dhe standardeve perëndimore.

Banka Amerikane e Shqipërisë (pas bashkimit) do të jetë një kombinim i energjive dhe burimeve të dy lojtarëve në sistemin bankar të Shqipërisë me synimin e krijimit të një operatori, që do të ofrojë produkte të reja për klientelën dhe konkurrencë më me efikasitet në sektorin e financiar.

Me miratimin e këtij bashkimi, struktura e kapitalit aksioner të Bankës Amerikane të Shqipërisë do të zotërohet nga aksionerët në raportet e mëposhtme:

Aksionerët % e pjesëmarrjes në kapital
Intesa Sanpaolo SpA 78.49
Fondi Shqiptaro Amerikane i Ndërmarrjeve 12.22
Banka Evropiane për Rindërtim dhe Zhvillim 7.78
Shoqëria Italiane për Ndërmarrjet e Huaja S.p.a 1.51
Totali 100.00

• Në këtë mbledhje, Këshilli Mbikëqyrës miratoi edhe disa vendime, që kanë të bëjnë me aktivitetin e brendshëm të Bankës së Shqipërisë, Buxhetin dhe Planin e Investimeve të Bankës së Shqipërisë për vitin 2008, si dhe Kalendarin e Mbledhjeve të Këshillit Mbikëqyrës të Bankës së Shqipërisë për vitin 2008, si më poshtë vijon:

KALENDARI I MBLEDHJEVE
TË KËSHILLIT MBIKËQYRËS TË BANKËS SË SHQIPËRISË PËR VITIN 2008