Sqarim për mediat lidhur me fitimin e sistemit bankar dhe zhvillimet kryesore gjatë vitit 2003.

Nisur nga nje artikull ne revisten MONITOR , me titull : "Bankat, ulet fitimi per vitin 2003", Banka e Shqiperise eshte e detyruar te sqaroje revisten ne fjale dhe per me teper median ne pergjithesi si vijon :

Se pari, revista Monitor disinformon lexuesin e saj dhe referuesit kur shkruan se fitimi i sistemit bankar gjate vitit 2003 eshte ulur krahasuar me vitin 2002, nga 2.7 ne 2.4 miliarde leke. Keto shifra kane te bejne me rezultatin e mbetur te sistemit per vitet respektive, pas shperndarjes se dividenteve nga dy banka te nivelit te dyte.

Artikullshkruesi duhet te jete i qarte ne interpretimin e shifrave duke dalluar sakte elementin analizues. Keshtu, per sa kohe qe do te informoje publikun mbi fitimin e gjeneruar nga bankat e sistemit gjate vitit 2003, duhet te perzgjedhe diferencen konkrete midis te ardhurave dhe shpenzimeve te realizuara per periudhen ushtrimore dhe jo vleren e mbetur pas vendimeve administrative te bankave te vecanta per shperndarje te fitimit ne forma te ndryshm Ne te gjitha publikimet e saj dhe per me teper ne Raportin Vjetor te Bankes se Shqiperise per vitin 2003 shkruhet se "sistemi bankar paraqitet me një fitim prej 4,45 miliardë lekësh, i cili është 14,4 për qind më i lartë se fitimi i vitit 2002".

Banka e Shqiperise e konsideron artikullshkruesin si keqinformues dhe keqinterpretues te raporteve te saj duke çorientuar lexuesit dhe referuesit.

Se dyti, artikulli ben nje analize mbi karakteristikat kryesore te zhvillimit te sistemit bankar duke shkelur hapur kodin e etikes ne gazetari pa vendosur emrin e autorit dhe pa cituar asnje burim, pavaresisht se eshte e qarte se te dhenat jane marre nga Banka e Shqiperise. Referencat jane dhene vetem ne tabela dhe grafike.

Duke e pare ne teresi, Banka e Shqiperise kerkon mirekuptimin e reagimeve te saj me mediat ne funksion te mireinformimit te opinionit publik dhe kerkon nga revista ne fjale botimin e plote te reagimit te saj.

Shenim: Per shkak te kohes relativisht te gjate deri ne daljen e numrit te rradhes te revistes, Banka e Shqiperise eshte e detyruar ta shperndaje kete informacion per te gjitha mediat.