Mbledhja e Nëntë Vjetore e Komitetit Kombëtar të Sistemit të Pagesave, 13 dhjetor 2023.
Mbledhja e nëntë vjetore e Komitetit Kombëtar të Sistemit të Pagesave (KKSP) u zhvillua në datën 13 Dhjetor, nën drejtimin e Zj. Luljeta Minxhozi, Kryetare e këtij Komiteti dhe Zëvendësguvernatore e Parë e Bankës së Shqipërisë. Krahas anëtarëve të Komitetit, në mbledhje ishin të ftuar përfaqësues nga Banka Botërore dhe Banka e Italisë. Zj. Minxhozi e vuri theksin tek iniciativat e Bankës së Shqipërisë, të cilat synojnë rritjen e përfshirjes financiare të popullatës, rritjen e sigurisë dhe eficiencës së tregut vendas të pagesave, si edhe integrimin e këtij tregu me atë Evropian. Në mbledhje u diskutua mbi përmbushjen e objektivave të Planit të Veprimit të Strategjisë Kombëtare të Pagesave me Vlerë të Vogël dhe angazhimet e Shqipërisë kundrejt projekteve të Ballkanit Perëndimor.
Të pranishmit në mbledhje u njohën dhe me përgatitjet e bankave për zbatimin e standarteve teknike për të mundësuar open banking si dhe me përditësimet e sistemeve të pagesave që operohen nga Banka e Shqipërisë, për të cilat u kërkua bashkëpunimi i sektorit bankar. Në përfundim, u prezantua Strategjia e Bankës së Shqipërisë për Edukimin dhe Përfshirjen Financiare, zbatimi i të cilës do të kërkojë bashkërendimin e të gjithë grupeve të interesit, përtej pjesëmarrësve të KKSP.
Dokumentet lidhur me mbledhjen e nëntë:
Prezantimet
- Zj. Ledia Bregu (Banka e Shqipërisë). Statusi i plotësimit të objektivave të strategjisë dhe masat që ka marrë Shqipëria në kuadër të projekteve rajonale (në version anglisht)
- Z. Giuseppe Bruni (Banca d’Italia). Sistemi për pagesat e shpejta për Bankën e Shqipërisë (në version anglisht)
- Z. Laco Matija (Banka Botërore). Rruga e integrimit të Shqipërisë në SEPA (në anglisht)
- Z. Deniz Deralla (Banka e Shqipërisë). Open banking, zhvillimet e tregut, sfidat dhe prespektiva për vitin 2024
- Zj. Valentina Semi (Banka e Shqipërisë). Upgrade i sistemeve AIPS/ AIPS EURO, AECH
- Z. Altin Tanku (Banka e Shqipërisë). Rezultate nga raundi i IV-të i Vrojtimit të Kulturës dhe Përfshirjes Financiare të popullatës në Shqipëri-2023
- Strategjia Kombëtare për pagesat me vlerë të vogël në shqipëri (2018-2023)
- Rishikimi i afateve të planit të veprimit të Strategjisë Kombëtare për pagesat me vlerë të vogël
Mbledhjet e KKSP
- Mbledhja e Nëntë Vjetore e KKSP 13 Dhjetor 2023
- Mbledhja e Tetë Vjetore e KKSP 9 Nëntor 2022
- Mbledhja e Shtatë Vjetore e KKSP 16 dhjetor 2021
- Mbledhja e Gjashtë e KKSP 17 dhjetor 2020
- Mbledhja e Pestë e KKSP 1 tetor 2019
- Mbledhja e katërt e KKSP 20 qershor 2018
- Mbledhja e tretë e KKSP 9 maj 2017
- Mbledhja e dytë e KKSP 24 maj 2016
- Mbledhja e parë e KKSP 2 tetor 2015