Konferenca e 100-vjetorit të Bankës së Shqipërisë shënoi një moment historik për institucionin dhe për sistemin financiar të vendit, duke bashkuar në Tiranë personalitete të larta të bankave qendrore, institucioneve ndërkombëtare dhe komunitetit akademik. E organizuar në kuadër të jubileut të themelimit të bankës qendrore shqiptare (1925–2025), kjo konferencë synoi të reflektojë mbi rrugëtimin njëqindvjeçar të institucionit, kontributin e tij në stabilitetin monetar e financiar dhe sfidat e së ardhmes në një ekonomi gjithnjë e më dinamike dhe të globalizuar.

Konferenca ndërthuri diskutime profesionale me momente historike e simbolike, duke përfshirë prezantimin e monedhës përkujtimore të 100-vjetorit, video mesazhet nga drejtues të institucioneve ndërkombëtare si Christine Lagarde dhe Kristalina Georgieva, si dhe ekspozita të dedikuara për trashëgiminë monetare e dokumentare të bankës. Përmes paneleve tematike, folësit trajtuan zhvillimet në politikën monetare, stabilitetin financiar, inovacionin në sistemet e pagesave dhe rolin e bankës qendrore në ekonomi moderne.

Konferenca synoi të shërbejë jo vetëm si një pikë reflektimi mbi të kaluarën, por edhe si një platformë dialogu për të ardhmen, duke vendosur theksin te pavarësia institucionale, transformimi digjital dhe përafrimi me standardet evropiane. Në këtë mënyrë, Banka e Shqipërisë rikujton rolin e saj themelor në ndërtimin e besimit dhe zhvillimit ekonomik, dhe njëkohësisht projekton vizionin e saj për shekullin e dytë të veprimtarisë.

Informacion

• Programi i konferencës 
• Jetëshkrimet e folësve 
• Foto nga aktiviteti 

Fjalët e mirëseardhjes dhe përshëndetëse të konferencës

• Video prezantuese “Rrugëtimi 100-vjeçar i Bankës së Shqipërisë"
• Fjala e Guvernatorit Sejko 
• Prezantimi i monedhës së 100 vjetorit
• Video mesazh nga Presidentja e Bankës Qendrore Evropiane
• Video mesazh nga Drejtoresha e Përgjithshme e Fondit Monetar Ndërkombëtar
• Fjala e Kryeministrit Rama

Programi i konferencës

SESIONI I HAPJES: Fjalët e mirëseardhjes dhe përshëndetëse

• Video

SESIONI I: Një botë me më pak tregti dhe kapital më të shtrënguar: A është një ri-formësim i ekonomisë?

• Video
• Moderator: Marc Uzan, Drejtor i Përgjithshëm, Reinventing Bretton Woods Committee
• Riccardo Ercoli, Drejtor Ekzekutiv për Shqipërinë, Fondi Monetar Ndërkombëtar
• Gian Maria MILESI-FERRETTI, Bashkëpunëtor i lartë, Qendra Hutchins për Politikën Fiskale dhe Monetare, Instituti Brookings
• Piroska NAGY MOHÁCSI, Profesore e ftuar, London School of Economics and Political Science
• Gabriel FELBERMAYR, Profesor dhe Drejtor, Instituti Austriak për Kërkimin Ekonomik
• Natia TURNAVA, Guvernator, Banka Kombëtare e Gjeorgjisë

SESIONI II: Zgjedhjet strategjike të Evropës dhe sfidat para

• Video
• Moderator: Gent SEJKO, Guvernator, Banka e Shqipërisë
• Alfred KAMMER, Drejtor i Departamentit Evropian, Fondi Monetar Ndërkombëtar
• Primož DOLENC, Guvernator në detyrë, Banka e Sllovenisë
• Jasmina Selimović, Guvernatore, Banka Qendrore e Bosnje dhe Herzegovinës
• Irena Radović, Guvernatore, Banka Qendrore e Malit të Zi
• Debora Revoltella, Krye-ekonomiste, Banka Evropiane e Investimeve

Sesioni III: Sfidat e politikës monetare

• Video 
• Moderator: Luljeta Minxhozi,  Zëvendësguvernatore e Parë, Banka e Shqipërisë
• Martin GALSTYAN, Guvernator Banka Qendrore e Armenisë
• Edward SCICLUNA, Guvernator, Banka Qendrore e Maltës
• Gediminas ŠIMKUS, Guvernator, Banka Qendrore e Lituanisë
• Trajko SLAVESKI, Guvernator, Banka Kombëtare e Republikës së Maqedonisë së Veriut
• Mário CENTENO, ish-Guvernator, Banka e Portugalisë

SESIONI IV: Monedha të qëndrueshme, pavarësia dhe e ardhmja e parasë

• Video
• Moderator: Natasha Ahmetaj, Zëvendësguvernatore e Dytë, Banka e Shqipërisë
• Ahmet ISMAILI, Guvernator, Banka Qendrore e Republikës së Kosovës
• Andreas DOMBRET, Këshilltar i Lartë për Çështje Globale, Oliver Wyman
• John Velissarios, Bashkëthemelues dhe Drejtor, Otranto Limited
• Marion LABOURE, Drejtor i Përgjithshëm, kërkimi tematik, Deutsche Bank

SESIONI I MBYLLJES: Përfundime

• Gent SEJKO, Guvernator, Banka e Shqipërisë
• Marc UZAN, Drejtor i Përgjithshëm, Reinventing Bretton Woods Committee

Njoftime

• Hapja e punimeve të Konferencës
• Konkluzionet e Konferencës

Të tjera

Mesazhe urimi

Të ftuarit dhe pjesëmarrësit në Konferencën e 100-vjetorit të Bankës së Shqipërisë shprehën urimet, vlerësimet dhe mbështetjen e tyre për rrugëtimin njëqindvjeçar të institucionit. Mesazhet e tyre nderojnë një shekull historie dhe na motivojnë të vazhdojmë misionin tonë me edhe më shumë përkushtim, pavarësi dhe profesionalizëm.

• Video 

Këndi i kujtimeve

Këndi i kujtimeve sjell një perspektivë më njerëzore dhe emocionale të përvjetorit, ku të ftuarit dhe pjesëmarrësit e konferencës hodhën në një libër kujtimesh mendimet, urimet dhe reflektimet e tyre për 100-vjetorin e Bankës së Shqipërisë.

Miniekspozita

Miniekspozita ofron një udhëtim të shkurtër kronologjik nga fillimet e institucionit deri në ditët e sotme, nëpërmjet artefakteve, dokumenteve historike dhe fotove të rëndësishme nga arkivi i Bankës së Shqipërisë

Identiteti vizual

Identiteti vizual i konferencës u përqendrua te logoja e 100-vjetorit, e cila përshkon dhe bashkon çdo detaj të ambientit dhe materialeve të përdorura, duke krijuar një imazh koherent dhe të unifikuar të këtij përvjetori historik.