Materiale studimore

Ky studim analizon brishtësinë financiare të familjeve shqiptare, e matur përmes aftësisë së tyre për të përballuar shpenzime të paparashikuara, duke vlerësuar njëkohësisht ndikimin e faktorëve socio-ekonomikë dhe financiarë.

Transformimi digjital po riformëzon me shpejtësi industrinë bankare në mbarë botën dhe sektori bankar shqiptar nuk bën përjashtim. Ky transformim përfshin më shumë sesa thjesht adoptimin e teknologjive të reja – ai përfaqëson një transformim thelbësor në mënyrën se si bankat operojnë, ndërveprojnë me klientët dhe ofrojnë shërbime.

Modeli Makroekonometrik i Ekonomisë Shqiptare (MEAM) është një model gjysmë-strukturor konsistent me modelet neoklasike të rritjes për ekonomitë e vogla dhe të hapura. Karakteristikat afatgjata janë përcaktuar sipas teorisë ekonomike, ndërsa dinamikat afatshkurtra janë vlerësuar në bazë të të dhënave. Ky punim paraqet një përditësim të modelit MEAM.

Bilanci i pagesave është një pasqyrë mjaft informative për zhvillimet makroekonomike të një ekonomie, veçanërisht në ekonomitë në zhvillim. (English only)

Në këtë material paraqiten disa nga rezultatet e nxjerra nga raundi i katërt i “Vrojtimit mbi Kulturën Financiare të të Rriturve në Shqipëri”, zhvilluar nga Banka e Shqipërisë gjatë periudhës qershor-korrik 2023, duke kontribuuar në Vrojtimin Ndërkombëtar të të Rriturve mbi Kulturën Financiare të koordinuar nga OECD/INFE (Organisation for Economic Co-operation and Development/International Network on Financial Education).

Materiali teknik ka për qëllim të informojë publikun e interesuar në lidhje me kuptimin dhe rëndësinë e inflacionit bazë për politikën monetare të bankave qendrore. Ai fokusohet në aspektet kryesore metodologjike të matjeve të ndryshme të inflacionit bazë, të zhvilluara, përdorura dhe publikuara nga Banka e Shqipërisë përgjatë viteve. Një analizë e shkurtër krahasuese, tregon se prirjet inflacionit bazë në Shqipëri dhe më gjerë në vitet e fundit, kanë ndjekur drejtime thuajse të njëjta, pavarësisht specifikave të matjeve dhe të vendeve në krahasim.

Matja tradicionale e inflacionit bazë është norma e inflacionit që përjashton ushqimet dhe energjinë. Ky punim ndërton një matje alternative të inflacionit bazë për ekonominë shqiptare, të quajtur norma e inflacionit të medianës së peshuar.

Ky material diskutimi përshkruan evoluimin e ushtrimit të provës së rezistencës së sektorit bankar të zbatuar në Bankën e Shqipërisë gjatë 15 viteve të fundit. Punimi jep detaje rreth metodologjive të këtij ushtrimi të përdorura përgjatë kësaj periudhe kohore, me fokus kryesor në dy qasjet e fundit: atë të përdorur gjatë periudhës 2013-2021 dhe veçanërisht, atë aktuale, pra qasjen e re që prej vitit 2022.

Ky punim paraqet një përqasje të thjeshtë empirike alternative të bazuar në të dhënat ditore dhe tregues të ndryshëm binarë për periudhën 2008 – 2020.

Ky studim përpiqet të vlerësojë performancën parashikuese të setit të modeleve afatshkurtra në përdorim për parashikimin e PBB-së në Bankën e Shqipërisë (BSH), për periudhën 2015-2018. Parashikimet afatshkurtra (PASH) janë bërë pjesë integrale e projeksioneve makroekonomike afatmesme në Bankën e Shqipërisë, duke mbështetur vendimmarrjen e politikës monetare.