Materiale studimore

The Bank of Albania introduced a small semi-structural Medium-Term Projection Model (MPM) in 2013, as part of its forecasting toolkit, to support the monetary policy decision making process. This initial version of the model was built in 2011 in joint cooperation between the IMF, through a Technical Assistance (TA) program, and the Bank of Albania, in a bid to modernize the latter’s forecasting and policy analysis FPAS) and in conjunction with Bank of Albania’s strategic goal to move to a fully-fledged inflation targeting regime.

Për arsye të terminologjisë së përdorur, studimi i plotë është në gjuhën angleze. Në këtë material do gjeni një përmbledhje ekzekutive të tij.

Në këtë material përshkruhet lidhja e sektorit financiar me ekonominë reale në makromodelin MEAM. Në fokus është norma e interesit të kredisë, në terma të ndikimit prej treguesve makroekonomikë si probabiliteti i falimentimit të sektorit privat dhe zhvillimeve ekonomike. Ky material është një përpjekje mbi pasurimin e makromodelit MEAM me tregues financiarë.

Ky studim synon të vlerësojë ndjeshmërinë e kursit të këmbimit ndaj goditjeve reale dhe monetare në Shqipëri gjatë 20 viteve të fundit. Identifikimi i këtyre goditjeve ofron një kuptim më të mirë të burimeve të luhatshmërisë së kursit të këmbimit. Ai gjithashtu jep informacion të dobishëm nëse kursi i këmbimit vepron si një amortizues goditjesh apo si një burim jostabiliteti në ekonomi.

Ky material vlerëson empirikisht ndikimin që dinamikat e tregut të shtëpive dhe ekspozimi i bankave ndaj këtij tregu kanë në stabilitetin e sektorit bankar në Evropën Qendrore, Lindore dhe Juglindore (EQLJL). Gjithashtu analizohet nëse ka ndryshime midis sjelljes së bankave në vendet e EQLJL-së anëtare të Bashkimit Evroprian (BE-së) dhe sjelljes së bankave në Ballkanin Perëndimor. Rezultatet tregojnë që ekspozimi i bankave ndaj tregut të shtëpive ka një ndikim të rëndësishëm pozitiv në stabilitetin e bankave në të dy grupet e vendeve.

Ky material analizon lidhjen midis konkurrencës dhe stabilitetit bankar në sektorin bankar shqiptar, përgjatë periudhës 2008–2017. Për këtë arsye, u ndërtua një tregues i konkurrencës bankare, i tillë si treguesi Boone.

Materiali përpiqet të ndërtojë një analizë të përgjithshme strukturore të ekonomisë dhe dinamikës së saj për vitet 2009 – 2013, duke u bazuar në statistikat e Matricave të Kontabilitetit Social, si edhe të dhënat shtesë nga tregu i punës. Qëllimi kryesor i punimit është të analizojë ekonominë për sa i takon intensitetit të vlerës së shtuar, importit dhe punësimit, sipas sektorëve dhe në agregat. Një hapësirë e veçantë i kushtohet produktivitetit të inputeve, për të kuptuar aftësinë sektoriale dhe intensitetin e kthimit të inputeve në produkt përfundimtar.

Ky material paraqet modelimin e bllokut të çmimeve në modelin makroekonometrik të ekonomisë shqiptare. Struktura e modelit është bazuar në teorinë “Neo-Kejnesiane”, e cila nënkupton një] kurbë oferte vertikale në afatin e gjatë, kombinuar me elemente të kërkesës që ndikojnë në afatin e shkurtër.

Ky material paraqet një analizë të të dhënave të mbledhura nga Vrojtimi për Matjen e Kulturës Financiare të popullatës shqiptare në nivel vendi, sipas metodologjisë së ndërtuar nga OECD/INFE. Ai sjell në vëmendjen e publikut gjetjet kryesore, duke u përqendruar në aspektet më të rëndësishme të tre elementeve përbërëse të kulturës financiare të matur nga pyetësori: njohurive financiare, sjelljes dhe qëndrimeve, si dhe treguesit e përfshirjes financiare.

Sektori bujqësor ka qenë dhe vazhdon të mbetet një sektor me kontribut të konsiderueshëm në ekonominë shqiptare, si në terma të vlerës së shtuar ashtu edhe në terma të numrit të punësuarve. Duke marrë në konsideratë rëndësinë dhe rolin e tij në ekonomi, vëmendja ndaj këtij sektori dhe zhvillimi i tij ka qenë dhe vazhdon të mbetet prioritet si për sektorin privat, ashtu edhe për sektorin publik.